შენი მონაცემები შუგარინგზე ჩაწერისას

ანგარიში და პაროლი არ გჭირდება, წინასწარი გადახდაც არა — ამიტომ ბარათის მონაცემებს არ ვიღებთ. მხოლოდ ის, რაც ვიზიტისთვის გამოგვადგება:

• სახელი და ტელეფონის ნომერი — რომ ვიცოდეთ, ვის ველოდებით, და თუ რამე შეიცვალა, დაგიკავშირდეთ.
• ფილიალი, ზონები და დრო — ის, რასაც თავად ირჩევ.
• კომენტარი — მხოლოდ თუ გინდა, რომ წინასწარ რამე ვიცოდეთ.

შენს სახელსა და ნომერს არასდროს ვყიდით და რეკლამისთვის არავის გადავცემთ. საიტზე ვითვლით, რამდენი ადამიანი შემოვიდა და ჩაეწერა — სახელებისა და ნომრების გარეშე. რეკლამის შესაფასებლად ვიყენებთ Meta-ს (Facebook, Instagram) პიქსელს: ის Meta-ს ატყობინებს ვიზიტსა და ჩაწერას, ასევე სახელისა და ნომრის გარეშე.

ჩანაწერს მხოლოდ ისინი ხედავენ, ვისაც ის საქმისთვის სჭირდება — და სხვა არავინ:

• სალონის მენეჯერები და სპეციალისტები — ისინი ხედავენ, ვინ, როდის და რა ზონებზე მოდის.
• ჩაწერის სისტემა, სადაც ჩანაწერი და ვიზიტების ისტორია ინახება.
• SMS-ის გამგზავნი სერვისი — რომ კოდი და დადასტურება ტელეფონზე მოგივიდეს.
• ჰოსტინგი — სერვერი, რომელზეც საიტი მუშაობს.